ސިވިލް ކޯޓުގެ ގާޟީ އަލްއުސްތާޛު ޢަބްދުﷲ އިޙްސާން، މިއަދުން ފެށިގެން ވަގުތީގޮތުން 60 ދުވަހަށް މަޤާމުގެ މަސައްކަތުން ދުރުކުރުމަށް ނިންމައި، މި ކޮމިޝަނުން އާންމުކުރި ނޫސްބަޔާނާ ގުޅިގެން، މިހާރު ސިވިލް ކޯޓަށް ހުށަހަޅާފައިވާ މައްސަލައަކާ ގުޅުވައި މީޑިއާތަކުން މަޢުލޫމާތު ފަތުރަމުންދާތީ ދަންނަވަމެވެ.

ސިވިލް ކޯޓުގެ ޤާޟީ އަލްއުސްތާޛު ޢަބްދުﷲ އިޙްސާން ވަގުތީގޮތުން މަސައްކަތުން ދުރުކުރުމަށް ނިންމާފައިވަނީ ޤާޟީގެ މައްޗަށް ރައްދުވާގޮތަށް މި ކޮމިޝަނަށް ހުށަހެޅި ތަޙްޤީޤުކުރަމުންދާ ޖިންސީ ފުރައްސާރައިގެ ތުހުމަތު ހިމެނޭ މައްސަލައަކާ ގުޅިގެން، މި ކޮމިޝަނުގެ ތަޙްޤީޤީ އިޖުރާޢަތުގެ ތެރެއިން ކަށަވަރުކުރަންޖެހޭ އެންމެހައި ކަންކަން ކަށަވަރުކުރުމާއެކު ޤާޟީ އަލްއުސްތާޛު ޢަބްދުﷲ އިޙްސާންގެ ބަޔާން ނަގައި އަދި ތަޙްޤީޤަށް ބޭނުންވާ އިތުރު ފަރާތްތަކެއްގެ ބަސްވެސް ހޯދުމަށްފަހު، ޤާޟީ އަލްއުސްތާޛު ޢަބްދުﷲ އިޙްސާންގެ މައްޗަށް ތުހުމަތު ކުރެވުނު އިސްވެ ބަޔާންކުރެވުނު މައްސަލައިގެ ބާވަތަށާއި، މައްސަލައިގެ ތަޙުޤީޤަށް ލިބިފައިވާ މަޢުލޫމާތުގެ އަލީގައި، ޤާޟީ އަލްއުސްތާޛު ޢަބްދުﷲ އިޙްސާން، މަސައްކަތުގައި ދެމިހުރެއްޖެނަމަ މައްސަލައިގެ ތަޙުޤީޤަށް ހުރަސް އެޅިދާނެކަމަށް ފެންނާތީއާއި، ޝަރުޢީ ދާއިރާގެ އިތުބާރު ނެގެހެއްޓުމުގެ އަސާސްގެ މައްޗަށް ބިނާކޮށް ކަމުގައި ދަންނަވަމެވެ.  

19 އޯގަސްޓު 2026