އއ.އުކުޅަހު މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު އަޙްމަދު މުޢާވިޔަތު ޤާސިމްއާ ގުޅޭގޮތުން ކޮމިޝަނުން ބަލަމުންދާ މައްސަލައާ ގުޅިގެން، ޤާނޫނު ނަންބަރު 2008/10 (ޖުޑީޝަލް ސަރވިސް ކޮމިޝަނުގެ ޤާނޫނު)ގެ 25 ވަނަ މާއްދާގެ (ތ) އާއި (ލ) އަށް ރިޢާޔަތްކޮށް، ތަޙްޤީޤަށް ހުށަހެޅިފައިވާ ހެއްކަށާއި، އެ ފަނޑިޔާރު މަސައްކަތުގައި ދެމިހުރެއްޖެނަމަ މައްސަލަ ތަޙްޤީޤުކުރުމަށް އެޅިދާނެ ހުރަހަކަށާއި، ޝަރުޢީ ދާއިރާގެ އިތުބާރު ނެގެހެއްޓުމުގެ އަސާސްގެ މައްޗަށް ބިނާކޮށް، މިއަދުން ފެށިގެން މައްސަލަ ނިމެންދެން، އއ.އުކުޅަހު މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު އަޙްމަދު މުޢާވިޔަތު ޤާސިމް ވަޒީފާއަށް ނުނިކުމެ މަޑުކުރުމަށް އެންގުމަށް، 2024 ނޮވެންބަރު 27 ވަނަ ދުވަހު ބޭއްވުނު ކޮމިޝަންގެ 62 ވަނަ ޖަލްސާގައި ވަނީ ނިންމަވާފައެވެ.