ސުޕްރީމްކޯޓުގެ ފަނޑިޔާރު އަލްއުސްތާޛު ޢަލީ ޙަމީދާ ގުޅޭގޮތުން ޖުޑީޝަލް ސަރވިސް ކޮމިޝަނަށް ހުށަހެޅިފައިވާ ޝަކުވާ ދިރާސާ ކުރުމަށް އުފެއްދެވި ތަހުޤީޤު ކޮމިޓީގައި ހިމެނިވަޑައިގަންނަވާ މިކޮމިޝަނުގެ 03 މެންބަރުންގެ ތެރެއިން 02 މެންބަރަކު އިސްތިޢުފާ ހުށަހެޅުއްވި ނަމަވެސް އެބޭފުޅުންގެ އިސްތިޢުފާ ޤަބޫލުނުކުރުމަށް ޖުޑީޝަލް ސަރވިސް ކޮމިޝަނުން ނިންމަވައިފިއެވެ. ޖުޑީސަލް ސަރވިސް ކޮމިޝަނުން މިގޮތަށް ނިންމެވީ މިއަދު (22 ޖުލައި 2013 ) ހޯމަ ދުވަހުގެ ބޭއްވުނު ކޮމިޝަނުގެ 69 ވަނަ ޖަލްސާގައި ބައިވެރިވެވަޑައިގެންނެވި މެންބަރުންގެ އަޣުލަބިއްޔަތުންނެވެ.

 މިގޮތަށް ކޮމިޝަނުން ނިންމެވުމާ ގުޅިގެން ކުރިންވެސް ކޮމިޓީގެ މަސައްކަތްތައް ކުރިޔަށް ގެންދިޔަ އުޞޫލުން ކުރިޔަށް ދާނެކަމުގައިވެސް މަޢުލޫމާތަށްޓަކައި ދެންނެވީމެވެ.