ފަނޑިޔާރުންނަކީ އެއްވެސް ކަމެއްގައި ރިޝްވަތެއް ނުވަތަ ރިޝްވަތަކަށްވެދާނެ އެއްވެސް ކަމެއްކޮށް ނުވަތަ އެއްވެސް އެއްޗެއް ބަލައިގަނެވޭނެ ބައެއް ނޫންކަން ފަނޑިޔާރުންގެ ސުލޫކީ މިންގަނޑުގައިވެސް ފާހަގަކޮށްފައިވެއެވެ. އެހެންކަމުން، އެކިއެކި ފަރާތްތަކުން ކޯޓަށް އަދި ފަނޑިޔާރުންނަށް ފޮނުވާ ހަދިޔާތައް ބަލައިނުގަތުމަށް ހަނދުމަފުޅު އެރުވީމެވެ.

އަދި އެކި މުނާސަބަތުތަކާ ގުޅިގެން ޑިޕްލޮމެޓިކް މިޝަންތަކުން ނުވަތަ ބައިނަލްއަޤްވާމީ ޖަމިއްޔާތަކުން ފަނޑިޔާރުންނަށް ފޮނުވާ ރަމްޒީ ތަކެތި، ދޭދޭ ގުޅުމަށް އިޙްތިރާމްކުރުމުގެ ގޮތުން ބަލައިގަތުން އެންމެ ރަނގަޅުކަމަށް މި ކޮމިޝަނަށް ފެންނާތީ، ހަދިޔާބަލައިގަތުމުގައި މިދެންނެވުނު ގޮތަށް ޢަމަލުކުރަމުން ގެންދިއުމަށް ދެންނެވީމެވެ.

މި ސަރކިއުލަރއަށް ޢަމަލުކުރަން ފެށުމާއި ގުޅިގެން މި ކޮމިޝަންގެ ނަންބަރު JSC-C/CIR/2022/22 (09 ނޮވެމްބަރ 2022) ސަރކިއުލަރ ބާޠިލްވީއެވެ.