ޚަބަރު / ނޫސް ބަޔާން
ނޫސް ބަޔާން
17 ޖުލައި 2013 ގައި ބޭއްވުނު ޖުޑީޝަލް ސަރވިސް ކޮމިޝަން (ޖޭއެސްސީ) ގެ 68 ވަނަ ބައްދަލުވުމުގައި ސުޕްރީމް ކޯޓުގެ ފަނޑިޔާރު އަލްއުސްތާޛު އަލީ ޙަމީދާ ބެހޭގޮތުން ކޮމިޝަނުން ތަޙްޤީޤު ކުރަމުންދާ މައްސަލައެއްގައި ފަނޑިޔާރު އަލީ ޙަމީދު ސަސްޕެންޑް ކުރުމަށް ނުފެންނަކަމަށް ކޮމިޝަންގެ ޖަލްސާއިން ނިންމާފައިވާކަމަށް ބައެއް މީޑިއާތަކުގައި ރިޕޯޓްކޮށްފައިވާ މައްސަލައާ ގުޅޭގޮތުން ދަންނަވަމެވެ.
ކޮމިޝަނުން 17 ޖުލައި 2013 ގައި ކުރިއަށް ގެންދެވުނު ކޮމިޝަންގެ ރަސްމީ ބައްދަލުވުމުގައި މަޝްވަރާކޮށްފައިވަނީ، ފަނޑިޔާރު އަލްއުސްތާޛު އަލީ ޙަމީދާ ބެހޭގޮތުން ކޮމިޝަނުން ތަޙްޤީޤުކުރަމުންދާ ޝަކުވާގައި، ފަނޑިޔާރު އަލީ ޙަމީދު ގެ މައްޗަށް ވަގުތީ ފިޔަވަޅެއް އެޅުމަށްޓަކައި ތަޙްޤީޤު ކޮމެޓީން ހުށަހަޅާފައިވާ ހުށަހެޅުމަކާ މެދުގައެވެ. މި މައްސަލާގައި މެމްބަރުން ބަހުސްކުރައްވައި ފުރަތަމަ ހުށަހެޅުނު ހުށަހެޅުމަކީ ސުޕްރީމް ކޯޓުގެ ފަނޑިޔާރު އަލްއުސްތާޛު އަލީ ޙަމީދު ސަސްޕެންޑް ނުކުރުމަށް ހުށަހެޅުނު ހުށަހެޅުމެވެ. ނަމަވެސް މި ނިންމުން ފާހެއް ނުވިއެވެ.
އިސްވެދެންނެވުނު ޖަލްސާގައި ކޮމިޝަންގައި ދެވަނައަށް ހުށަހެޅުނު ހުށަހެޅުމަކީ ފަނޑިޔާރު އަލްއުސްތާޛު އަލީ ޙަމީދު ގެ މައްޗަށް ވަގުތީ ފިޔަވަޅެއް އެޅުމުގެ ކުރިން، މިހާރު ރިޕޯޓުގައި ހިމަނާފައިވާ މަޢުލޫމާތުގެ އިތުރުން، އިތުރު މަޢުލޫމާތުތަކެއް ސާފުކޮށްގެން އަލުން ކޮމިޝަނަށް ގެނައުމަށެވެ. މި ހުށަހެޅުމަށް ވޯޓަށް އެހުމުން ކޮމިޝަންގެ އަޣުލަބިއްޔަތަށް ބުރެވެވުނީ ފަނޑިޔާރު އަލްއުސްތާޛު އަލީ ޙަމީދުގެ ޝަކުވާ ބެލުމަށް އެކުލަވާލާފައިވާ ކޮމެޓީން ހުށަހަޅާފައިވާ ހުށަހެޅުމާމެދު ގޮތެއް ނިންމުމުގެ ކުރިން ރިޕޯޓުގައި ހިމަނާފައިވާ މަޢުލޫމާތުގެ އިތުރުން، އިތުރު މަޢުލޫމާތުތަކެއް ސާފުކުރުމަށް ބޭނުންވާކަމަށާއި، (ކޮމިޝަނުންގެ މެމްބަރުން ޖަލްސާގައި ފާހަގަކޮށްފައިވާ މަޢުލޫމާތުތައް) އެ މަޢުލޫމާތުތައް މިޝަކުވާ ތަޙްޤީޤުކުރާ ކޮމެޓީން ހޯއްދެވުމަށްފަހު، ރިޕޯޓު އަލުން މުރާޖާކޮށް މި މައްސަލަ ކޮމިޝަނަށް އަލުން އެޖެންޑާކުރުމަށެވެ.
ވީމާ، މިފަދަ ޚަބަރުތައް ކަމުގެ ހަޤީޤަތް އޮޅޭގޮތަށް މީޑިއާތަކުން އާންމުކުރުމަކީ އޭގެ ސަބަބުން ފިތުނަ ފަސާދަ އުފެދި ޤައުމުގެ ހަމަޖެހުމަށް ބުރޫއަރާނެކަމެއްކަމަށްވާތީ، ކަމުގެ ހަޤީޤަތް ސާފުކުރުމަކާނުލައި އެއްވެސް ފަރާތަކުން މިފަދަ ޚަބަރުތައް އާންމުކޮށް ޝާއިޢު ނުކުރުމަށް މި ކޮމިޝަނުން ޢިލްތިމާސްކުރަމެެވެ.
-
ފަހުގެ ލިޔުންތައް
-
ށ.ކޮމަންޑޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛާ ޙައްވާ އިބްރާހީމް، ހދ.ކުޅުދުއްފުށީ މެޖިސްޓްރޭޓް ކޯޓަށް ބަދަލުކުރުން
18 March 2024
-
މެޖިސްޓްރޭޓް ކޯޓުތަކަށް ފަނޑިޔާރުން ޢައްޔަންކުރުމަށް ނިންމުން
22 February 2024
-
ޖުޑީޝަލް އެޑްމިނިސްޓްރޭޝަންގެ ކަންކަމުގައި ލަފާދިނުމަށް ފަނޑިޔާރުންގެ ބޯޑެއް އުފެއްދުމަށް ނިންމުން
19 February 2024
-
ބ.ތުޅާދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛް ޢަބްދުﷲ ޙަމީދު، ބ. އޭދަފުށީ މެޖިސްޓްރޭޓް ކޯޓަށް ބަދަލުކުރުން
06 December 2023
-
ހދ.ޖުޑީޝަލް ދާއިރާގެ އިސްމެޖިސްޓްރޭޓް އަލްއުސްތާޛް ޢަލީ އާދަމް ހުރި މަޤާމަށްވުރެ ދަރަޖަ ދަށް ކުރުމަށް ނިންމުން
20 November 2023
-
ފަހުގެ ލިޔުންތައް
-
ށ.ކޮމަންޑޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛާ ޙައްވާ އިބްރާހީމް، ހދ.ކުޅުދުއްފުށީ މެޖިސްޓްރޭޓް ކޯޓަށް ބަދަލުކުރުން
18 March 2024 12:03
-
މެޖިސްޓްރޭޓް ކޯޓުތަކަށް ފަނޑިޔާރުން ޢައްޔަންކުރުމަށް ނިންމުން
22 February 2024 12:02
-
ޖުޑީޝަލް އެޑްމިނިސްޓްރޭޝަންގެ ކަންކަމުގައި ލަފާދިނުމަށް ފަނޑިޔާރުންގެ ބޯޑެއް އުފެއްދުމަށް ނިންމުން
19 February 2024 12:02
-
ބ.ތުޅާދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛް ޢަބްދުﷲ ޙަމީދު، ބ. އޭދަފުށީ މެޖިސްޓްރޭޓް ކޯޓަށް ބަދަލުކުރުން
06 December 2023 12:12